Oleh: Abi Husna
Assalamu’alaikum wr. wb.
Assalamu’alaikum wr. wb.
Bismillaahirrahmaanirrahiim.
Asyhadu alla ilaaha illallah.
Wa asyhadu anna Muhammadarrosulullah.
Kula sedaya, Keluwarga
ageng (Trah Abdullah Sirat), saha sedaya ingkang
lenggah ing papan menika, kanthi ihklasing
manah, keparenga ngaturaken, ikrar syawalan.
Ingkang sepisan, dhumateng
ngarsanipun bapak-bapak, ibu-ibu,
ingkang kaleres sepuh, saha ingkang kasepuhaken, kula ngaturaken, sungkem
pangabektos.
Dhumateng sesami-sami, kula ngaturaken, salam ta’lim.
Dhumateng ingkang kaleres enem, kula ngaturaken, sih katresnan saha donga
pangestu.
Atur kaping kalih, kula ngaturaken, Sugeng Riyadi Fitri
1438 Hijriah, kairing donga, Taqobbalallohu minna wa
minkum, Shiyamana wa shiyamakum, Ja’alanallahu wa iyyakum Minal 'aidin wal faidzin.
Atur kaping tiga, kula nyuwun pangapunten saking sedaya kalepatan kula,
ingkang kasengaja punapa dene ingkang mboten sengaja, ingkang lahir punapa ingkang batos, ingkang
sedaya wau, mboten pikantuk idining sarak agami, mugi-mugi panjenengan sedaya,
kersa paring pangapunten, dhumateng kula.
Kosok wangsulipun, mbok bilih panjenengan, kagungan
kelepatan dhumateng kula, kula lega lila, caos pangapunten, sedaya kelepatan
panjenengan, ingkang tumanduk, dhumateng kula.
Mugi-mugi Gusti Alloh ngijabahi lan paring maghfirah dateng kita sami.
Amin, amin, ya robbal ‘alamin.
Mekaten lan semanten ikrar syawalan ingkang kita
aturaken. Kirang langkungipun nyuwun pangapunten.
Akhirul
kalam..
Wassalamu’alaikum wr. wb.
Tidak ada komentar:
Posting Komentar